伴嫁

《伴嫁》Phuānn-kè
邱芸子Khu Ûn-tsú
——————————————
梳頭鬃看著幾支白
se thâu-tsang khuànn-tio̍h kuí ki pe̍h
才知青春無偌濟
tsiah tsai tshing-tshun bô guā-tsuē
姊妹仔披著新娘紗
tsí-muē-á phi tio̍h sin-niû-se
阮來共伊做伴嫁
gún lâi kā-i tsuè phuānn-kè

啊~借問緣份欲佗揣
ah~ tsioh-mn̄g iân-hūn beh toh tshuē
紅線佗位有通買
âng-suànn tó-uī ū-thang bué
年年接著新娘花
nî-nî tsiap-tio̍h sin-niû-hue
年年猶原做伴嫁
nî-nî iu-guân tsuè phuānn-kè

啊~雖然笑笑頭犁犁
ah~ sui-jiân tshiò-tshiò thâu lê-lê
偷偷佇心內目屎掰
thau-thau tī sim-lāi ba̍k-sái pué
月老也對阮講歹勢
gua̍t-ló iā tuì gún kóng pháinn-sè
四配的人猶閣佇咧揣
sù-phuè ê lâng iáu-koh tī-leh tshuē
—

期待有情人惜花
kî-thāi ū-tsîng-lâng sioh hue
換阮穿著新娘紗
uānn gún tshīng tio̍h sin-niû-se