再會男子漢

《再會男子漢》Tsài-huē Lâm-tsú-hàn

林慧萍Lîm Huī-phîng

——————————————

因為你欲去做兵

in-uī lí beh khì tsò-ping

所以愛分開

sóo-í ài hun-khui

這一切攏是不得已

tsit it-tshè lóng-sī put-tik-í

入伍愛剃頭

ji̍p-ngóo ài thì-thâu

人變甲槌槌

lâng piàn kah thuî-thuî

又煩惱我會走去

iū huân-ló guá ē tsáu–khì

人講飄撇的男兒

lâng kóng phiau-phiat ê lâm-jî

袂當流珠淚

buē-tàng lâu tsu-luī

艱苦較濟也著強忍

kan-khóo khah tsē iā tio̍h kiông-jím

行軍出操時

hîng-kun tshut-tshau sî

若是無細膩

nā-sī bô-sè-jī

你心內著愛準備

lí sim-lāi tio̍h-ài tsún-pī

再會

tsài-huē

我心目中的男子漢

guá sim-bo̍k-tiong ê lâm-tsú-hàn

雖然暫時

sui-jiân tsiām-sî

袂當穿甲pha-lí-phá-lih

buē-tàng tshīng kah pha-lí-phá-lih

做兵會當證明你的意志

tsò-ping ē-tàng tsìng-bîng lí ê ì-tsì

任何人攏無才調

jīm-hô lâng lóng bô tsâi-tiāu

來佮你比

lâi kah lí pí