停電的Xmas

《停電的Xmas》Thîng-tiān ê Xmas

林慧萍Lîm Huī-phîng

——————————————

感情一路到遮

kám-tsîng tsi̍t-lōo kàu tsia

煞感覺愈愛愈孤單

suah kám-kak jú ài jú koo-tuann

你的感情起變化

lí ê kám-tsîng khí piàn-huà

敢會一世人來做伴

kám ē tsi̍t-sì-lâng lâi tsuè-phuānn

今暗約束佇遮

kim-àm iok-sok tī tsia

繁華臺北Merry Christmas

huân-huâ Tâi-pak Merry Christmas

咱無祝福通交換

lán bô tsiok-hok thang kau-uānn

感情的熱度已經化

kám-tsîng ê jia̍t-tōo í-king hua

停電的Christmas

thîng-tiān ê Christmas

無話通講欲按怎

bô uē thang kóng beh án-tsuánn

雙人悶悶徛踮遮

siang-lâng būn-būn khiā tiàm tsia

這齣電影

tsit tshut tiān-iánn

是欲按怎搬

sī beh án-tsuánn puann

停電的Christmas

thîng-tiān ê Christmas

無話通講頭向向

bô uē thang kóng thâu ànn-ànn

看別人

khuànn pa̍t-lâng

情話講袂煞

tsîng-uē kóng buē-suah

臺北今夜

Tâi-pak kim-iā

哪會遮爾寒

ná ē tsiah-nī kuânn