大捙拚

《大捙拚》Tuā-tshia-piànn
林清國Lîm Tshing-kok
——————————————
毋通欣羨人好額
m̄-thang him-siān lâng hó-gia̍h
出入全是進口車
tshut-ji̍p tsuân sī tsìn-kháu-tshia
毋免怨嘆咱散赤
m̄-bián uàn-thàn lán sàn-tshiah
透風落雨也著行
thàu-hong lo̍h-hōo iā tio̍h kiânn

朋友兄弟
pîng-iú, hiann-tī
無啥物通好驚
bô-siánn-mih thang-hó kiann
目標掠予正
bo̍k-piau lia̍h hōo tsiànn
人生過程像崎
jîn-sing kuè-tîng tshiūnn peh kiā
一步一步
tsi̍t-pōo-tsi̍t-pōo
一步一步
tsi̍t-pōo-tsi̍t-pōo
為前程大捙拚
uī tsiân-tîng tuā tshia-piànn

一人生做一款命
tsi̍t-lâng senn-tsuè tsi̍t-khuán miā
有人好命做少爺
ū-lâng hó-miā tsuè siàu-iâ
錢銀濟是開免驚
tsînn-gûn tsē sī khai bián-kiann
有人時常咧碰壁
ū-lâng sî-siông teh pōng-piah

朋友兄弟
pîng-iú, hiann-tī
好䆀是咱的命
hó-bái sī lán ê miā
心頭掠予定
sim-thâu lia̍h hōo tiānn
人生過程像嶺
jîn-sing kuè-tîng tshiūnn peh niá
一嶺一嶺
tsi̍t-niá-tsi̍t-niá
一嶺一嶺
tsi̍t-niá-tsi̍t-niá
為前程大捙拚
uī tsiân-tîng tuā tshia-piànn