月下的流浪兒

《月下的流浪兒》Gue̍h-hā ê Liû-lōng-jî
林峰Lîm Hong
——————————————
做男兒流浪天涯
tsuè lâm-jî liû-lōng thian-gâi
心事啥人知
sim-sū siánn-lâng tsai
世間的義理人情
sè-kan ê gī-lí jîn-tsîng
毋敢無存在
m̄-kánn bô tsûn-tsāi
月娘若知阮心內
ge̍h-niû nā tsai gún sim-lāi
替阮來安排
thuè gún lâi an-pâi
同情阮流浪的人
tông-tsîng gún liû-lōng ê lâng
心情的感慨
sim-tsîng ê kám-khài

若親像孤鳥無伴
ná-tshin-tshiūnn koo-tsiáu bô-phuānn
聲聲哭哀悲
siann-siann khàu ai-pi
也毋知明日怎樣
iā m̄-tsai bîng-ji̍t tsánn-iūnn
心肝失主意
sim-kuann sit tsú-ì
心內是親像波浪
sim-lāi sī tshin-tshiūnn pho-lōng
不時跳袂離
put-sî thiàu buē-lī
這敢是命中註定
tse kám-sī miā-tiong tsù-tiānn
流浪無了時
liû-lōng bô-liáu-sî