牧場的新娘

https://www.youtube.com/watch?v=nl-PJkVA5HY&fbclid=IwAR0MDCfkCl1KZMIMxmAhceFhHM8PBmJxGjA-zLxbRL_uxYLwSaomu5wa82Q

《牧場的新娘》Bo̍k-tiûnn ê Sin-niû
林英美Lîm Ing-bí
——————————————
綠色山路榕樹邊
li̍k-sik suann-lōo iông-tshiū pinn
一陣小羊白如棉
tsi̍t-tīn sió-iûnn pe̍h jû mî
到底是歡喜啥物
tàu-tué sī huann-hí siánn-mih
跳來又跳去
thiàu lâi iū thiàu khì
忽然角螺來報喜
hut-jiân kak-lê lâi pò-hí
一頂花轎迎人意
tsi̍t-tíng hue-kiō ngiâ lâng-ì
叮叮噹噹鑼鼓聲
tin-tin-tong-tong lô-kóo siann
順風送入耳
sūn-hong sàng ji̍p-hīnn
人人看著笑微微
lâng-lâng khuànn tio̍h tshiò bî-bî

春天深山草色青
tshun-thinn tshim-suann tsháu-sik tshinn
山崙紅葉紅記記
suann-lūn âng-hio̍h âng-kì-kì
親像是點著胭脂
tshin-tshiūnn sī tiám tio̍h ian-tsi
新鮮又嬌媚
sin-sian iū kiau-bī
伴著今仔日有情天
phuānn tio̍h kia̋nn-ji̍t ū-tsîng thinn
一頂花轎迎人意
tsi̍t-tíng hue-kiō ngiâ lâng ì
鬧鬧啋啋在牧場
nāu-nāu-tshái-tshái tsāi bo̍k-tiûnn
彼條溪仔墘
hit tiâu khue-á-kînn
人人歡迎笑微微
lâng-lâng huan-gîng tshiò bî-bî

牧場日落黃昏時
bo̍k-tiûnn ji̍t-lo̍h hông-hun sî
留著彩雲在西天
lâu tio̍h tshái-hûn tsāi sai-thinn
到底是祝福啥物
tàu-tué sī tsiok-hok siánn-mih
美觀又雅氣
bí-kuan iū ngá-khì
彼間瓦厝門埕邊
hit king hiā-tshù mn̂g-tiânn pinn
一頂花轎迎人意
tsi̍t-tíng hue-kiō ngiâ lâng-ì
礗礗縍縍炮仔聲
pin-pin-pòng-pòng phàu-á-siann
響動著山墘
hiáng-tāng tio̍h suann-kînn
人人迎接笑微微
lâng-lâng gîng-tsiap tshiò bî-bî