你毋知阮的心內
《你毋知阮的心內》Lí M̄-tsai Gún ê Sim-lāi
林英美Lîm Ing-bí
——————————————
你毋知阮的心肝內
lí m̄-tsai gún ê sim-kuann-lāi
放予阮對你求愛
pàng hōo gún tuì lí kiû-ài
你無想
lí bô siūnn
你欲男性氣慨
lí beh lâm-sìng khì-khài
我是女性不應該
guá sī lú-sìng put ing-kai
你若欲來愛我
lí nā beh lâi ài guá
請你毋通拖沙
tshiánn lí m̄-thang thua-sua
奮出勇氣來唚我
hùn tshut ióng-khì lâi tsim guá
你毋知阮的心肝內
lí m̄-tsai gún ê sim-kuann-lāi
你真是不應該
lí tsin sī put ing-kai
↓↓—(口白)—↓↓
我這款真心咧對待你
guá tsitkhuán tsin-sim teh tuì-thāi lí
啊!你怎樣也毋知阮的心內咧
ah! lí tsánn-iūnn iā m̄-tsai gún ê sim-lāi-té
↑↑—(口白)—↑↑
自從彼日阮見你一面
tsū-tsiông hit ji̍t gún kìnn lí tsi̍t-bīn
每日著為你操心
muí-ji̍t tio̍h uī lí tshiau-sim
自從彼日阮對你表心內
tsū-tsiông hit ji̍t gún tuì lí piáu sim-lāi
每暗都等著你來
muí-àm to tán tio̍h lí lâi
怎樣你遮冷靜
tsánn-iūnn lí tsiah líng-tsīng
放予阮遮熱情
pàng hōo gún tsiah jia̍t-tsîng
害阮袂食袂安眠
hāi gún buē tsia̍h buē an-bîn
你毋知阮的心肝內
lí m̄-tsai gún ê sim-kuann-lāi
你真是不應該
lí tsin sī put ing-kai
