毋甘

《毋甘》M̄-kam

林柔均Lîm Jiû-kun(紫君Tsí-kun)

——————————————

明明夢中

bîng-bîng bāng-tiong

佮你雙人行鬥陣

kah lí siang-lâng kiânn tàu-tīn

糖甘蜜甜誓言

thn̂g-kam-bi̍t-tinn sè-giân

伴阮過一生

phuānn gún kuè it-sing

夢醒才知

bāng-tshínn tsiah tsai

阮是為你失了神

gún sī uī lí sit liáu sîn

目屎澹目墘

ba̍k-sái tâm ba̍k-kînn

想欲見你一面

siūnn-beh kìnn lí tsi̍t-bīn

見你一面

kìnn lí tsi̍t-bīn

你對我冷言冷語

lí tuì guá líng-giân líng-gí

咱的希望

lán ê hi-bāng

是毋是漸漸愛放棄

sī-m̄-sī tsiām-tsiām ài hòng-khì

你的身邊

lí ê sin-pinn

已經有別人

í-king ū pa̍t-lâng

叫我怎樣才看會破

kiò guá tsuánn-iūnn tsiah khuànn ē phuà

阮的心

gún ê sim

親像寒冰凍入心肝

tshin-tshiūnn hân-ping tàng ji̍p sim-kuann

啊~毋甘毋甘毋甘

ah~ m̄-kam m̄-kam m̄-kam

為怎樣用情遮爾重

uī-tsuánn-iūnn iōng-tsîng tsiah-nī tāng

我的心毋願毋願

guá ê sim m̄-guān m̄-guān

毋願你竟然去愛別人

m̄-guān lí kìng-jiân khì ài pa̍t-lâng

啊~傷心傷心傷心

ah~ siong-sim siong-sim siong-sim

阮哪會遮不幸

gún ná ē tsiah put-hīng

啊~情啊情

ah~ tsîng–ah tsîng

為啥物

uī-siánn-mih

總是予人看袂清

tsóng-sī hōo-lâng khuànn buē-tshing