一首青春
《一首青春》Tsi̍t-siú Tshing-tshun
林宗興 Lîm Tsong-hing
——————————————
看這个世界
khuànn tsit-ê sè-kài
其實無偌大
kî-si̍t bô guā tuā
這張地圖
tsit tiunn tē-tôo
就踏佇塗跤
tō ta̍h tī thôo-kha
一支吉他陪伴我
tsi̍t-ki gih-tah puê-phuānn guá
一步步走天下
tsi̍t-pōo-pōo tsáu thian-hā
漂浪到異鄉
phiau-lōng kàu ī-hiong
討趁拚生活
thó-thàn piànn sing-ua̍h
人來人往
jîn-lâi jîn-óng
繁華袂孤單
huân-huâ buē koo-tuann
厝內爸媽免擔心
tshù-lāi pá-mah bián tam-sim
我的身體真勇健
guá ê sin-thé tsin ióng-kiānn
霓虹燈閃爍
nî-hông-ting siám-sih
鬧熱城市
lāu-jia̍t siânn-tshī
攑頭看無月娘滿天星
gia̍h-thâu khuànn-bô ge̍h-niû muá-thinn tshinn
思鄉的孩兒
su-hiong ê hâi-jî
用歌聲寫日記
iōng kua-siann siá ji̍t-kì
大聲唱出青春寫的歌
tuā-siann tshiùnn-tshut tshing-tshun siá ê kua
唱出人生變化的酸甜苦澀
tshiùnn-tshut jîn-sing piàn-huà ê sng-tinn khóo-siap
就算有一工看著鏡中
tsiū-sǹg ū-tsi̍t-kang khuànn-tio̍h kiànn-tiong
咱不再年華
lán put-tsài liân-huâ
猶原激丹田繼續拚
iu-guân kik-tan-tiân kè-sio̍k piànn
人生親像一幫直達車
jîn-sing tshin-tshiūnn tsi̍t-pang ti̍t-ta̍t-tshia
過往風景好䆀
kuè-óng hong-kíng hó-bái
攏是咱的命
lóng-sī lán ê miā
未來
bī-lâi
現此時
hiān-tshú-sî
咱著掌握佇手內
lán tio̍h tsiáng-ap tī tshiú-lāi
一首青春
tsi̍t-siú tshing-tshun
你按怎精彩
lí án-tsuánn tsing-tshái
