無聲的愛

https://www.youtube.com/watch?v=D-TdqzE6-AQ&fbclid=IwAR2s8rZhrUdlCt-bO8WFzDBDsFdd7rNaQbj7uVCnWI3aBZvppqfD_kXB4cs

《無聲的愛》Bô-siann ê Ài
林良歡Lîm Liông-huan
——————————————
雲散月來花弄影
hûn suànn gue̍h lâi hue lāng iánn
風吹清芳滿面來
hong tshue tshing-phang muá-bīn lâi
雖然見你在身邊
sui-jiân kìnn lí tsāi sin-pinn
思念猶原難排解
su-liām iu-guân lân pâi-kái

感謝上天巧安排
kám-siā siōng-thinn khá an-pâi
相逢在茫茫人海
siong-hông tsāi bâng-bâng jîn-hái
怨嘆命運真無奈
uàn-thàn miā-ūn tsin bô-nāi
袂當較早來熟似
buē-tàng khah-tsá lâi si̍k-sāi

我是日頭你是月
guá sī ji̍t-thâu lí sī gue̍h
我行東來你往西
guá kiânn tang lâi lí óng sai
望你身邊彼个伊
bāng lí sin-pinn hit ê i
愛你像我遮豐沛
ài lí tshiūnn guá tsiah phong-phài

你是青春花開時
lí sī tshing-tshun hue khui sî
我是黃昏日落西
guá sī hông-hun ji̍t lo̍h sai
向望你知我的愛
ǹg-bāng lí tsai guá ê ài
恬恬收好藏心內
tiām-tiām siu hó tshàng sim-lāi