新娘車
《新娘車》Sin-niû-tshia
李愛綺Lí Ài-khí(李嘉Lí Ka)
——————————————
窗外傳來
thang-guā thuân-lâi
一陣禮炮聲
tsi̍t-tsūn lé-phàu siann
心愛的人
sim-ài ê lâng
已經欲來娶
í-king beh lâi tshuā
毋知按怎
m̄-tsai án-tsuánn
心情一時楞捙捙
sim-tsîng tsi̍t-sî gông-tshia-tshia
跪在爸母面前
kuī tsāi pē-bú bīn-tsîng
哭出聲
khàu tshut-siann
新娘車啊新娘車
sin-niû-tshia–ah sin-niû-tshia
請你毋通遮緊入大埕
tshiánn lí m̄-thang tsiah kín ji̍p tuā-tiânn
帶念爹親
tài-liām tia-tshin
晟養阮遮爾大
tshiânn-ióng gún tsiah-nī tuā
予阮時間來感謝
hōo gún sî-kan lâi kám-siā
啊~想欲閣再越頭行
ah~ siūnn-beh koh-tsài ua̍t-thâu kiânn
無疑媒人喝開車
bô-gî muî-lâng huah khui-tshia