希望踮你身邊

《希望踮你身邊》Hi-bāng Tiàm Lí Sin-pinn

林子娟Lîm Tsú-kuan

——————————————

今夜最後一幫火車

kim-iā tsuè-āu tsi̍t-pang hué-tshia

快樂的心情

khuài-lo̍k ê sim-tsiânn

只賰一半

tsí tshun tsi̍t-puànn

離開後

lī-khui āu

又閣等待每一工

iū-koh tán-thāi muí tsi̍t-kang

轉來將阮攬絚絚

tńg-lâi tsiong gún lám ân-ân

只有對你的思念

tsí-ū tuì lí ê su-liām

愛著你

ài-tio̍h lí

是我一生的美夢

sī guá it-sing ê bí-bāng

毋通將阮來戲弄

m̄-thang tsiong gún lâi hì-lāng

雖然情路遮坎坷

sui-jiân tsîng-lōo tsiah khám-khia̍t

阮猶是毋甘放

gún iáu-sī m̄-kam pàng

我永遠等待著你

guá íng-uán tán-thāi tio̍h lí

向望踮你身邊

ǹg-bāng tiàm lí sin-pinn

將阮的一切

tsiong gún ê it-tshè

攏總交予你

lóng-tsóng kau hōo lí

我永遠等待著你

guá íng-uán tán-thāi tio̍h lí

只要你有勇氣

tsí-iàu lí ū ióng-khì

綴你到海角佮天邊

tuè lí kàu hái-kak kah thinn-pinn