青春情歌
《青春情歌》Tshing-tshun Tsîng-kua
林子娟Lîm Tsú-kuan
——————————————
聽著一首迷人情歌
thiann-tio̍h tsi̍t-siú bê-lâng tsîng-kua
句句唱出阮的心聲
kù-kù tshiùnn-tshut gún ê sim-siann
一个緣投囡仔講愛我
tsi̍t-ê iân-tâu-gín-á kóng ài guá
雄雄一時
hiông-hiông tsi̍t-sî
予阮心著驚
hōo gún sim tio̍h-kiann
感情上驚
kám-tsîng siōng kiann
親像船離碇
tshin-tshiūnn tsûn lî tiānn
愛阮千萬毋通愛一半
ài gún tshian-bān m̄-thang ài tsi̍t-puànn
幸福的所在
hīng-hok ê sóo-tsāi
將愛貯予滿
tsiong ài té hōo buán
一生一世
it-sing it-sè
情路做陣行
tsîng-lōo tsuè-tīn kiânn
青春情歌
tshing-tshun tsîng-kua
唱著純情的心肝
tshiùnn tio̍h sûn-tsîng ê sim-kuann
請你用真心來陪伴
tshiánn lí iōng tsin-sim lâi puê-phuānn
青春的靈魂
tshing-tshun ê lîng-hûn
熱情的形影
jia̍t-tsîng ê hîng-iánn
毋通予阮
m̄-thang hōo gún
情夢變孤單
tsîng-bāng piàn koo-tuann
青春情歌
tshing-tshun tsîng-kua
啊~用心來聽
ah~ iōng-sim lâi thiann
你我的心
lí guá ê sim
永遠黏相倚
íng-uán liâm-sio-uá
堅定的愛
kian-tīng ê ài
伴著純情的性命
phuānn tio̍h sûn-tsîng ê sìnn-miā
為著你我幸福的生活
uī-tio̍h lí guá hīng-hok ê sing-ua̍h
來拍拚
lâi phah-piànn
