等待雨散

《等待雨散》Tán-thāi Hōo Suànn
旺福Ōng-hok
——————————————
今仔日的風澹澹
kin-á-ji̍t ê hong tâm-tâm
今仔日的天暗暗
kin-á-ji̍t ê thinn àm-àm
今仔日的我
kin-á-ji̍t ê guá
需要一个人
su-iàu tsi̍t-ê lâng
來陪我風吹雨淋
lâi puê guá hong tshue hōo lâm

人生親像一場夢
jîn-sing tshin-tshiūnn tsi̍t-tiûnn bāng
你是我上媠的夢
lí sī guá siōng suí ê bāng
你是風颱天
lí sī hong-thai-thinn
衝煙的泡麵
tshìng-ian ê phàu-mī
你是我上愛的人
lí sī guá siōng ài ê lâng

若是有你佮我做伴
nā-sī ū lí kah guá tsuè-phuānn
好額散食我攏無差
hó-gia̍h sàn-tsia̍h guá lóng bô-tsha
攑著雨傘
gia̍h tio̍h hōo-suànn
等待雨散
tán-thāi hōo suànn
我欲牽你的手
guá beh khan lí ê tshiú
牽到手紅紅
khan kah tshiú âng-âng