無情的班機
https://www.youtube.com/watch?v=BjlH4nKccB8
《無情的班機》Bô-tsîng ê Pan-ki
卓依婷 Toh I-tîng
———————————–
看著無情的班機
khuànn-tio̍h bô-tsîng ê pan-ki
漸漸飛走
tsiām-tsiām pue tsáu
阮的心是茫茫渺渺
gún ê sim sī bông-bông biáu-biáu
為你失去了目標
uī lí sit-khì-liáu bo̍k-piau
佇咱分開的最後
tī lán hun-khui ê tsuè-āu
你連一句話也無留
lí liân tsi̍t-kù uē iā bô lâu
誠是忍心
tsiânn sī jím-sim
來將咱過去放水流
lâi tsiong lán kuè-khì pang-tsuí-lâu
.
祝福你飛向他鄉以後
tsiok-hok lí pue hiòng thann-hiong í-āu
會當慣勢著彼爿氣候
ē-tàng kuàn-sì tio̍h hit-pîng khì-hāu
這段感情阮囥咧心頭
tsit-tuānn kám-tsîng gún khǹg teh sim-thâu
永遠永遠斷袂了
íng-uán íng-uán tn̄g buē liáu
.
用盡阮一生感覺猶無夠
iōng tsīn gún it-sing kám-kak iáu bô-kàu
感情到老阮為你等候
kám-tsîng kàu lāu gún uī lí tán-hāu
希望你著愛毋通放袂記
hi-bāng lí tio̍h-ài m̄-thang pang-buē-kì
永遠有我做你回航的碼頭
íng-uán ū guá tsuè lí huê-hâng ê bé-thâu
