夢遊仙公廟

《夢遊仙公廟》Bāng Iû Sian-kong-biō
良山Liông-san
——————————————
落葉在秋天
lo̍h-hio̍h tsāi tshiu-thinn
隨風飄落去
suî hong phiau–lo̍h-khì
一年一年心空虛
tsi̍t-nî tsi̍t-nî sim khang-hi
欲怎樣阮毋知
beh tsuánn-iūnn gún m̄-tsai
拜託仙公來保庇
pài-thok Sian-kong lâi pó-pì
有一日
ū-tsi̍t-ji̍t
會來揣著心上的人
ē lâi tshē-tio̍h sim-siōng ê lâng
啊~仙公廟的鐘聲響
ah~ Sian-kong-biō ê tsing-siann hiáng
鐘聲真響亮
tsing-siann tsin hiáng-liāng

春天好暗暝
tshun-thinn hó àm-mî
月娘在身邊
ge̍h-niû tsāi sin-pinn
雙雙對對笑微微
siang-siang-tuì-tuì tshiò bî-bî
為啥物真歡喜
uī-siánn-mih tsin huann-hí
敢是仙公有保庇
kám-sī Sian-kong ū pó-pì
滿山邊
muá suann-pinn
純情花蕊開
sûn-tsîng hue-luí khui
紅又芳
âng iū phang
啊~仙公廟的香味芳
ah~ Sian-kong-biō ê hiunn bī phang
予阮心輕鬆
hōo gún sim khin-sang

靜靜三更暝
tsīng-tsīng sann-kinn mî
仙女來相見
sian-lú lâi sann-kìnn
一个一个好情意
tsi̍t-ê tsi̍t-ê hó tsîng-ì
可惜是
khó-sioh sī
毋是伊
m̄-sī i
敢是仙公變把戲
kám-sī Sian-kong piàn-pá-hì
明明是心上的人
bîng-bîng sī sim-siōng ê lâng
怎樣毋是
tsánn-iūnn m̄-sī
啊~仙公廟的托眠夢
ah~ Sian-kong-biō ê thok bîn-bāng
害阮空怨嘆
hāi gún khang uàn-thàn