孤星

《孤星》Koo-tshinn
良山Liông-san
——————————————
舊年中秋暝
kū-nî tiong-tshiu mî
滿天光星伴月圓
muá-thinn kng-tshinn phuānn ge̍h înn
雙人在海邊
siang-lâng tsāi hái-pinn
談情過五更
tâm-tsîng kè gōo-kinn
深夜的波浪
tshim-iā ê pho-lōng
對阮奏著青春詩
tuì gún tsàu tio̍h tshing-tshun si
啊~只有你在阮身邊
ah~ tsí-ū lí tsāi gún sin-pinn
月娘永遠笑微微
ge̍h-niû íng-uán tshiò bî-bî

海風吹微微
hái-hong tshue bî-bî
天頂烏雲無半絲
thinn-tíng oo-hûn bô-puànn-si
懷念彼當時
huâi-liām hit-tong-sî
猶原在海邊
iu-guân tsāi hái-pinn
滿腹的情意
muá-pak ê tsîng-ì
拜託波浪送予伊
pài-thok pho-lōng sàng hōo i
啊~想著故鄉在千里
ah~ siūnn-tio̍h kòo-hiong tsāi tshian-lí
海鳥啼哭聲哀悲
hái-tsiáu thî-khàu siann ai-pi

明年中秋暝
mâ-nî tiong-tshiu mî
哪知月娘在哪裡
ná tsai ge̍h-niû tsāi ná-lí
天涯流浪兒
thian-gâi liû-lōng-jî
漂流佗位去
phiau-liû tó-uī khì
無聊的人生
bô-liâu ê jîn-sing
每日過著寂寞暝
muí-ji̍t kè tio̍h tsi̍k-bo̍k mî
啊~為何阮來離開你
ah~ uī-hô gún lâi lī-khui lí
變成天頂的孤星
piàn-sîng thinn-tíng ê koo-tshinn