無情歌
《無情歌》Bô-tsîng Kua
秀蘭瑪雅Showlen Maya
——————————————
寫一條無情的歌
siá tsi̍t-tiâu bô-tsîng ê kua
每一段刻你的名
muí tsi̍t-tuānn khik lí ê miâ
感情若起變化
kám-tsîng nā khí piàn-huà
多情人上心疼
to-tsîng-lâng siōng sim thiànn
痛苦攏我來擔
thòng-khóo lóng guá lâi tann
唱一條無味的歌
tshiùnn tsi̍t-tiâu bô-bī ê kua
每一句刺鑿心肝
muí tsi̍t-kù tshì-tsha̍k sim-kuann
緣份若行到遮
iân-hūn nā kiânn kàu tsia
你毋免虧欠啥
lí m̄-bián khui-khiàm siánn
無愛就做你行
bô-ài tiō tsuè lí kiânn
無情歌唱甲無聲
bô-tsîng kua tshiùnn kah bô-siann
唱出孤單的心情
tshiùnn-tshut koo-tuann ê sim-tsiânn
再會
tsài-huē
戇戇為你痴情
gōng-gōng uī lí tshi-tsîng
等待的牽掛
tán-thāi ê khian-kuà
敢講是天註定
kám-kóng sī thinn tsù-tiānn
月娘你敢知影
gue̍h-niû lí kám tsai-iánn
為何心酸酸
uī-hô sim sng-sng
按怎哭無聲
án-tsuánn khàu bô-siann
寫一條無情的歌
siá tsi̍t-tiâu bô-tsîng ê kua
予寂寞
hōo tsi̍k-bo̍k
陪阮做陣行
puê gún tsuè-tīn kiânn
—
這無情無味傷心歌
tse bô-tsîng bô-bī siong-sim kua
寫一條無情的歌
siá tsi̍t-tiâu bô-tsîng ê kua
予寂寞
hōo tsi̍k-bo̍k
陪阮做陣行
puê gún tsuè-tīn kiânn
