情義‧月光
《情義‧月光》Tsîng-gī, Gue̍h-kng
李麗芬 Lí Lē-hun
——————————————
經過風雨
king-kuè hong-ú
霜雪染白頭毛
sng-suat ní pe̍h thâu-mn̂g
越頭看坎坷
ua̍t-thâu khuànn khám-khia̍t
一句感恩
tsi̍t-kù kám-un
人生行愈遠
jîn-sing kiânn jú hn̄g
愈濟的感激咧心內囥
jú tsē ê kám-kik teh sim-lāi khǹg
我的行李
guá ê hîng-lí
有你的青春
ū lí ê tshing-tshun
朋友是書
pîng-iú sī tsu
一頁一種緣份
tsi̍t-ia̍p tsi̍t-tsióng iân-hūn
得著的學問
tit-tio̍h ê ha̍k-būn
一句感恩
tsi̍t-kù kám-un
同齊度過逆境
tâng-tsê tōo-kuè gi̍k-kíng
予我看著你付出
hōo guá khuànn-tio̍h lí hù-tshut
教我滿足
kà guá buán-tsiok
教我珍惜人生路
kà guá tin-sioh jîn-sing-lōo
是你倒手抾著阮
sī lí tò-tshiú khioh-tio̍h gún
掰開青春失望的烏雲
pué-khui tshing-tshun sit-bāng ê oo-hûn
情義若月光
tsîng-gī ná gue̍h-kng
溫暖像天光
un-luán tshiūnn thinn-kng
為我守護名叫希望的門
uī guá siú-hōo miâ kiò hi-bāng ê mn̂g
是你正手牽著阮
sī lí tsiànn-tshiú khan tio̍h gún
改變命運凌亂的田園
kái-piàn miā-ūn lîng-luān ê tshân-hn̂g
情義若月光
tsîng-gī ná gue̍h-kng
心事有你分
sim-sū ū lí hun
雙手的情份
siang-tshiú ê tsîng-hūn
一生陪伴阮
it-sing puê-phuānn gún
