尾幫高鐵
《尾幫高鐵》Bué-pang Ko-thih
李明洋Lí Bîng-iông
——————————————
心醉是為著啥物
sim tsuì sī uī-tio̍h siánn-mih
無願意欲來放棄
bô guān-ì beh lâi hòng-khì
夜半暝思念閣來觸纏
iā-puànn-mî su-liām koh lâi tak-tînn
一个人一款掛意
tsi̍t-ê lâng tsi̍t-khuán kuà-ì
中山高阮來來去去
Tiong-san-ko gún lâi-lâi-khì-khì
暗淡的尾幫高鐵
àm-tām ê bué-pang ko-thih
想你揣你一夜千里
siūnn lí tshuē lí it-iā tshian-lí
愛予人最大勇氣
ài hōo-lâng tsuè tuā ióng-khì
愛你是愛到了痴
ài lí sī ài kàu liáu tshi
退無步阮攏予你
thè bô-pōo gún lóng hōo lí
傷心的割心的我自己
siong-sim ê kuah-sim ê guá tsū-kí
天若崩阮會擔起
thinn nā pang gún ē tann khí
一生的選擇是你
it-sing ê suán-ti̍k sī lí
苦也來放袂記
khóo iā lâi pàng buē-kì
堅心毋願換來最後分開
kian-sim m̄-guān uānn lâi tsuè-āu hun-khui
中山高的燈火閃爍
Tiong-san-ko ê ting-hué siám-sih
離別再會的高鐵
lī-pia̍t tsài-huē ê ko-thih
過一站
kuè tsi̍t-tsām
敢閣等有你
kám koh tán ū lí