練歌場
《練歌場》Liān-kua-tiûnn
李明洋Lí Bîng-iông
——————————————
燈光閃閃又爍爍
ting-kng siám-siám iū sih-sih
歡喜唱歌唸歌詩
huann-hí tshiùnn-kua liām kua-si
上舞臺免細膩
peh tsiūnn bú-tâi bián sè-jī
音樂Telphone奏落去
im-ga̍k Telphone tsàu–lo̍h-khì
人生旅途一齣戲
jîn-sing lú-tôo tsi̍t-tshut hì
借著歌聲唱予開
tsioh tio̍h kua-siann tshiùnn hōo khui
愛情歌
ài-tsîng kua
演歌味
ián-kua bī
合唱上纏綿
ha̍p-tshiùnn siōng tînn-mî
唱予心情媠媠媠
tshiùnn hōo sim-tsîng suí-suí-suí
啊有緣相逢
ah ū-iân siong-hông
初めて熟似你
ha-tsí-mé-teh si̍k-sāi lí
輕鬆唱歌心也醉
khin-sang tshiùnn-kua sim iā tsuì
大聲唱
tuā-siann tshiùnn
快樂暝
khuài-lo̍k mî
噗仔聲催落去
pho̍k-á-siann tshui–lo̍h-khì
練歌場唱出著好友誼
liān-kua-tiûnn tshiùnn-tshut tio̍h hó iú-gî