真心送予你
《真心送予你》Tsin-sim Sàng Hōo Lí
張惠琦Tiunn Huī-kî(聿綾U̍t-lîng)
——————————————
看著你
khuànn-tio̍h lí
我心肝亂紛紛
guá sim-kuann luān hun-hun
想欲講的話
siūnn-beh kóng ê uē
藏心底
tshàng sim-té
啥人知影我這款命運
siánn-lâng tsai-iánn guá tsit khuán miā-ūn
愛著一个無心的人
ài-tio̍h tsi̍t-ê bô-sim ê lâng
想欲將真心來送予你
siūnn-beh tsiong tsin-sim lâi sàng hōo lí
你煞當做無代誌
lí suah tòng-tsuè bô-tāi-tsì
感情這條路
kám-tsîng tsit tiâu lōo
喔~哪會行甲遮爾仔纏
ooh~ ná ē kiânn kah tsiah-nī-á tînn
愛你的心肝遮堅定
ài lí ê sim-kuann tsiah kian-tīng
叫我放棄是無可能
kiò guá hòng-khì sī bô-khó-lîng
對你的思念
tuì lí ê su-liām
天地會當來證明
thinn-tē ē-tàng lâi tsìng-bîng
