紅牡丹
《紅牡丹》Âng Bóo-tan
張雪芳Tiunn Suat-hong(泉州晉江)
——————————————
春來啥人來做衫
tshun lâi siánn-lâng lâi tsuè-sann
看去一片紅牡丹
khuànn–khì tsi̍t-phìnn âng bóo-tan
–
昨暝夢中傳彩筆
tsa-mî bāng-tiong thuân tshái-pit
寫出對你的情意
siá-tshut tuì lí ê tsîng-ì
一片花葉寄朝雲
tsi̍t-phìnn hue-hio̍h kià tiau-hûn
千里明月問歸期
tshian-lí bîng-gue̍h mn̄g kui-kî
夜夜深更講相思
iā-iā tshim-kinn kóng siunn-si
感天動地
kám-thinn tōng-tē
何時感動你
hô-sî kám-tōng lí
紅牡丹是咱希望
âng bóo-tan sī lán hi-bāng
獨占人間第一芳
to̍k-tsiàm jîn-kan tē-it phang
風華絕代在人間
hong-huâ tsua̍t-tāi tsāi jîn-kan
予人萬般來留戀
hōo-lâng bān-puann lâi liû-luân
踮在繁華的世界
tiàm-tsāi huân-huâ ê sè-kài
偏偏只愛你一人
phian-phian tsí ài lí tsi̍t-lâng
轉眼秋去又逢冬
tsuán-gán tshiu khì iū hông tang
紅牡丹花開葉成欉
âng bóo-tan hue khui hio̍h sîng-tsâng
