男子漢的屈勢
《男子漢的屈勢》Lâm-tsú-hàn ê Khut-sè
洪榮宏Âng Îng-hông
——————————————
每日操甲頭犁犁
muí-ji̍t tshau kah thâu lê-lê
內內外外玲瑯踅
lāi-lāi-guā-guā lin-long se̍h
擔著咱幸福的夢
tann tio̍h lán hīng-hok ê bāng
雙手無人替
siang-tshiú bô-lâng thè
心內像含水的露螺
sim-lāi tshiūnn kâm tsuí ê lōo-lê
表面上飄撇笑笑過
piáu-bīn-siōng phiau-phiat tshiò-tshiò kuè
男子漢的堅持
lâm-tsú-hàn ê kian-tshî
堅強的屈勢
kian-kiông ê khut sè
心愛的
sim-ài–ê
人生行同齊
jîn-sing kiânn tâng-tsê
你予我安慰佮鼓勵
lí hōo guá an-uì kah kóo-lē
為著咱幸福的夢
uī-tio̍h lán hīng-hok ê bāng
辛苦算啥貨
sin-khóo sǹg siánn-huè
我愛你
guá ài lí
毋是喙脣皮
m̄-sī tshuì-tûn-phuê
幸福毋是大聲話
hīng-hok m̄-sī tuā-siann-uē
男子漢的堅持
lâm-tsú-hàn ê kian-tshî
堅強的屈勢
kian-kiông ê khut-sè
