夜相思
《夜相思》Iā Siunn-si
洪建華Âng Kiàn-huâ(漳州)
——————————————
坐窗邊
tsē thang-pinn
阮孤單看月圓
gún koo-tuann khuànn ge̍h-înn
離開故鄉
lī-khui kòo-hiong
已經幾若年
í-king kuí-lō nî
天頂的流星佮花的芳味
thinn-tíng ê liû-tshinn kah hue ê phang-bī
引阮想起心愛的你
ín gún siūnn-khí sim-ài ê lí
醉夢中
tsuì-bāng tiong
阮叫著你名字
gún kiò tio̍h lí miâ-jī
又閣一年寒冷的冬天
iū-koh tsi̍t-nî hân-líng ê tang-thinn
你敢會想起阮
lí kám ē siūnn-khí gún
佮阮來相思
kah gún lâi siunn-si
想起咱相愛的日子
siūnn-khí lán siong-ài ê ji̍t-tsí
看天邊的流星
khuànn thinn-pinn ê liû-tshinn
閃閃爍爍
siám-siám-sih-sih
我會想起你
guá ē siūnn-khí lí
佇這異鄉的城市
tī tsia ī-hiong ê siânn-tshī
無你佇阮身邊
bô lí tī gún sin-pinn
只有看著你的相片
tsí-ū khuànn tio̍h lí ê siòng-phìnn
問天頂的月娘
mn̄g thinn-tíng ê ge̍h-niû
你敢知影阮的傷悲
lí kám tsai-iánn gún ê siong-pi
佇這孤單的暗暝
tī tsia koo-tuann ê àm-mî
心愛的人在哪裡
sim-ài ê lâng tsāi ná-lí
我一生的愛只為你
guá it-sing ê ài tsí uī lí
