今夜又是落雨暝

《今夜又是落雨暝》Kim-iā Iū-sī Lo̍h-hōo Mî

李芊慧Lí Tshian-huī

——————————————

小雨毛毛落袂離

sió-hōo mn̂g-mn̂g lo̍h buē-lī

路燈暗淡無元氣

lōo-ting àm-tām bô guân-khì

孤單一个又來懷念

koo-tuann tsi̍t-ê iū lâi huâi-liām

彼个無緣伴侶

hit ê bô-iân phuānn-lī

難忘離別的彼一暝

lân-bōng lî-pia̍t ê hit tsi̍t-mî

秋風秋雨罩四邊

tshiu-hong tshiu-hōo tà sì-pinn

宛然毋甘咱分開

uán-jiân m̄-kam lán hun-khui

情難斷

tsîng lân tuān

夢難醒

bāng lân tshínn

無奈的相思

bô-nāi ê siunn-si

啊~今夜又是落雨暝

ah~ kim-iā iū sī lo̍h-hōo mî

小雨毛毛落袂停

sió-hōo mn̂g-mn̂g lo̍h buē-thîng

霜風吹來透心冷

sng-hong tshue–lâi thàu-sim líng

孤單一个踮在燈下

koo-tuann tsi̍t-ê tiàm-tsāi ting-hā

又來懷念早前

iū lâi huâi-liām tsá-tsîng

難忘離別的情形

lân-bōng lî-pia̍t ê tsîng-hîng

秋風秋雨罩滿天

tshiu-hong tshiu-hōo tà buán-thian

依依難捨心頭凝

i-i lân-siá sim-thâu gîng

情意深

tsîng-ì tshim

心相連

sim siong-liân

無奈緣份淺

bô-nāi iân-hūn tshián

啊~風雨替阮抱不平

ah~ hong-hōo thè gún phāu put-phîng