成全予你
《成全予你》Sîng-tsuân Hōo Lí
明亮Bîng-liāng
——————————————
踅來踅去看無你
se̍h-lâi-se̍h-khì khuànn-bô lí
問來問去到半暝
mn̄g-lâi-mn̄g-khì kàu puànn-mî
已經離開消失去
í-king lī-khui siau-sit–khì
倚佇壁邊心稀微
uá tī piah-pinn sim hi-bî
望去窗外想起你
bāng khì thang-guā siūnn-khí lí
一時心酸失主意
tsi̍t-sî sim sng sit tsú-ì
心頭傷心無地覕
sim-thâu siong-sim bô-tè bih
後悔已經無了時
hiō-hué í-king bô-liáu-sî
緊轉來阮身邊
kín tńg-lâi gún sin-pinn
轉來阮身邊
tńg-lâi gún sin-pinn
付出的情
hù-tshut ê tsîng
敢講放流水
kám-kóng pàng lâu-tsuí
無疑是回頭時
bô-gî sī huê-thâu sî
怎樣來面對
tsuánn-iūnn lâi bīn-tuì
為何情份放袂開
uī-hô tsîng-hūn pàng buē-khui
失去的袂閣追
sit–khì–ê buē koh tui
追有啥意義
tui ū siánn ì-gī
我只有徛佇遠遠的位
guá tsí-ū khiā tī hn̄g-hn̄g ê uī
孤單的行落去
koo-tuann–ê kiânn–lo̍h-khì
就算無勇氣
tiō-sǹg bô ióng-khì
甘願心碎
kam-guān sim tshuì
成全攏予你
sîng-tsuân lóng hōo lí
