舊衫櫥

《舊衫櫥》Kū Sann-tû
李千那Lí Tshian-ná(李千娜)
——————————————
有偌濟夢已經袂記得
ū guā-tsuē bāng í-king buē-kì-tit
有偌濟衫已經無地穿
ū guā-tsuē sann í-king bô-tè tshīng
有偌濟芳毋知對佗去
ū guā-tsuē phang m̄-tsai tuì toh khì
有偌濟人漸漸咧拍毋見
ū guā-tsuē lâng tsiām-tsiām ti̍h phàng-kìnn

有偌濟故事無人提起
ū guā-tsuē kòo-sū bô-lâng thê-khí
有偌濟心袂閣遐認真
ū guā-tsuē sim buē koh hiah jīn-tsin
有偌濟寶貝是佗位覕
ū guā-tsuē pó-puè sī tó-uī bih
你敢會想起彼个面
lí kám ē siūnn-khí hit ê bīn

老老的舊衫櫥
lāu-lāu ê kū sann-tû
消失的記持
siau-sit ê kì-tî
彼段少年青春詩
hit tuānn siàu-liân tshing-tshun si
一張舊相片
tsi̍t-tiunn kū siòng-phìnn
微微臭殕味
bî-bî tshàu-phú-bī
思念猶原遐爾深
su-liām iu-guân hiah-nī tshim

老老的舊衫櫥
lāu-lāu ê kū sann-tû
雙手反袂停
siang-tshiú píng buē thîng
彼齣烏白電影片
hit tshut oo-pe̍h-tiān-iánn-phìnn
一條紅圍巾
tsi̍t-tiâu âng uî-kin
一跤金手指
tsi̍t-kha kim tshiú-tsí
一段可愛的過去
tsi̍t-tuānn khó-ài ê kuè-khì
—

一台收音機
tsi̍t-tâi siu-im-ki
一封舊批信
tsi̍t-hong kū phue-sìn
一陣思慕的心情
tsi̍t-tsūn su-bōo ê sim-tsîng