流浪三兄妹
《流浪三兄妹》Liû-lōng Sann Hiann- muē
安倩嬅An Tshìng-huā
——————————————
阮哪生成這款命
gún ná sinn-sîng tsit khuán miā
一聲一聲叫阿娘
tsi̍t-siann-tsi̍t-siann kiò a-niâ
忍著傷心淚
jím tio̍h siong-sim luī
又驚人知影
iū kiann lâng tsai-iánn
猶原毋敢哭出聲
iu-guân m̄-kánn khàu tshut-siann
流浪三兄妹相𤆬行
liû-lōng sann hiann-muē sio-tshuā kiânn
任何食苦攏毋驚
jīm-hô tsia̍h-khóo lóng m̄-kiann
叫聲媽媽
kiò siann má-mah
你敢袂心疼
lí kám buē sim thiànn
為何你忍心
uī-hô lí jím-sim
放阮做你行
pàng gún tsuè lí kiânn
媽媽媽媽
má-mah má-mah
受盡風霜揣阿娘
siū-tsīn hong-song tshuē a-niâ
流浪外頭無親情
liû-lōng guā-thâu bô tshin-tsiânn
命運愛拍拚
miā-ūn ài phah-piànn
心頭著愛定
sim-thâu tio̍h-ài tiānn
幸福人生伴阮行
hīng-hok jîn-sing phuānn gún kiânn
