勸你愛拍拚
《勸你愛拍拚》Khǹg Lí Ài Phah-piànn
黃西田N̂g Se-tiân
——————————————
人生本是為三頓
jîn-sing pún sī uī sann-tǹg
事業名義是人生的路程
sū-gia̍p miâ-gī sī jîn-sing ê lōo-thîng
好歹毋是環境來造成
hó-pháinn m̄-sī khuân-kíng lâi tsō-sîng
有時天清有時月也明
ū-sî thinn tshing ū-sî gue̍h iā bîng
天公按怎分嘛袂公平
thinn-kong án-tsuánn hun mā buē kong-phîng
愛靠自己來養成
ài khò tsū-kí lâi ióng-sîng
想袂到
siūnn bē-kàu
想袂到的代誌
siūnn bē-kàu ê tāi-tsì
總會不在咱的眼前
tsóng ē put-tsāi lán ê gán-tsîng
勸你著愛拍拚
khǹg lí tio̍h-ài phah-piànn
才會好命
tsiah-ē hó-miā
命命
miā miā
人生本是一場夢
jîn-sing pún sī tsi̍t-tiûnn bāng
喜怒哀樂是夢甲幾若項
hí-nōo ai-lo̍k sī bāng kah kuí-lō hāng
好歹毋是夢中來戲弄
hó-pháinn m̄-sī bāng-tiong lâi hì-lāng
有時喝聲有時心驚惶
ū-sî huah-siann ū-sî sim kiann-hiânn
天光目睭金嘛看無影
thinn kng ba̍k-tsiu kim mā khuànn-bô iánn
做事毋通來逃避
tsuè-sū m̄-thang lâi tô-pī
想袂到
siūnn bē-kàu
想袂到的代誌
siūnn bē-kàu ê tāi-tsì
無一定會照夢中行
bô-it-tīng ē tsiàu bāng-tiong kiânn
只愛心肝掠予定
tsí ài sim-kuann lia̍h hōo tiānn
你就免驚
lí tiō bián-kiann
驚驚
kiann kiann
