酒色芳錢空空
《酒色芳錢空空》Tsiú-sik Phang Tsînn Khang-khang
黃西田N̂g Se-tiân
——————————————
小雨毛毛
sió-hōo mn̂g-mn̂g
冬天暝又長
tang-thinn mî iū tn̂g
我在這條小路的中央
guá tsāi tsit tiâu sió-lōo ê tiong-ng
目睭看遠遠
ba̍k-tsiu khuànn hn̄g-hn̄g
酒家的大門
tsiú-ka ê tuā-mn̂g
心內只是暗拍算
sim-lāi tsí-sī àm phah-sǹg
啊~酒色亂心腸
ah~ tsiú-sik luān sim-tn̂g
啊~可惜無錢銀
ah~ khó-sioh bô tsînn-gûn
只有想酒心頭酸
tsí-ū siūnn tsiú sim-thâu sng
搖搖擺擺
iô-iô-pái-pái
行近酒家邊
kiânn kīn tsiú-ka pinn
看著酒女
khuànn-tio̍h tsiú-lú
宛然像西施
uán-jiân tshiūnn Se-si
皮膚幼麵麵
phê-hu iù-mī-mī
予我的愛意
hōo guá ê ài-ì
想欲行倚伊身邊
siūnn-bueh kiânn uá i sin-pinn
啊~心情來表示
ah~ sim-tsîng lâi piáu-sī
啊~天不從人意
ah~ thian put-tsiông jîn-ì
可惜錢銀斷半絲
khó-sioh tsînn-gûn tuān puànn-si
酒女迷人
tsiú-lú bê-lâng
酒味也芳芳
tsiú-bī iā phang-phang
妖嬌美麗
iau-kiau bí-lē
喙脣也紅紅
tshuì-tûn iā âng-âng
引我心搖動
ín guá sim iô-tāng
引我心茫茫
ín guá sim bâng-bâng
恨來恨去恨錢空
hūn-lâi-hūn-khì hūn tsînn khang
啊~戇想無彩工
ah~ gōng-siūnn bô-tshái-kang
啊~心情袂輕鬆
ah~ sim-tsîng buē khin-sang
失意變成像戇人
sit-ì piàn-sîng tshiūnn gōng-lâng
