祕雕比我較緣投
《祕雕比我較緣投》Pì-tiau Pí Guá Khah Iân-tâu
黃西田N̂g Se-tiân
——————————————
祕雕啊祕雕
Pì-tiau–ah Pì-tiau
你比我是較緣投
lí pí guá sī khah iân-tâu
上無孝女對你
siōng-bô Hàu-lú tuì lí
嘛情意厚
mā tsîng-ì kāu
我是煩惱某
guá sī huân-ló bóo
亂操操
luān tshau-tshau
今年閣三十到
kin-nî koh sann-tsa̍p kàu
一年一年一直老
tsi̍t-nî-tsi̍t-nî it-ti̍t lāu
阿娘仔生媠佇人兜
a-niû-á sinn suí tī lâng tau
↓↓(口白)—(口白)—(口白)↓↓
啊!怨嘆
ah! uàn-thàn
實在真怨嘆
si̍t-tsāi tsin uàn-thàn
想袂到
siūnn bē-kàu
想袂到祕雕你遐爾仔䆀
siūnn bē-kàu Pì-tiau lí hiah-nī-á bái
閣比我較緣投啦
koh pí guá khah iân-tâu–lah
孝女為著你
Hàu-lú uī-tio̍h lí
才會佮我絕交
tsiah-ē kah guá tsua̍t-kau
阮兩个人是情意厚
gún nn̄g-ê lâng sī tsîng-ì kāu
予你害甲
hōo lí hāi kah
我的心情煞亂操操
guá ê sim-tsîng suah luān tshau-tshau
我為著欲娶某
guá uī-tio̍h beh tshuā-bóo
等甲三十到
tán kah sann-tsa̍p kàu
人生一年一年
jîn-sing tsi̍t-nî-tsi̍t-nî
是一直老
sī it-ti̍t lāu
啊!怨嘆哪有啥物路用
ah! uàn-thàn ná ū sí-mih lōo-iōng
阿娘仔生媠
a-niû-á sinn suí
都佇別人兜
to tī pa̍t-lâng tau
↑↑(口白)—(口白)—(口白)↑↑
祕雕啊祕雕
Pì-tiau–ah Pì-tiau
我看你是足派頭
guá khuànn lí sī tsiok phài-thâu
別人講我媠媠仔
pa̍t-lâng kóng guá suí-suí–á
親像猴
tshin-tshiūnn kâu
無就加減捎咧烏白交
bô tiō ke-kiám sa leh oo-pe̍h kau
交一个煞真歹鬥
kau tsi̍t-ê suah tsin pháinn tàu
一个一个攏會撟
tsi̍t-ê-tsi̍t-ê lóng ē kiāu
阿娘仔生媠佇人兜
a-niû-á sinn suí tī lâng tau
↓↓(口白)—(口白)—(口白)↓↓
啊!怨嘆哪有啥物路用
ah! uàn-thàn ná ū sí-mih lōo-iōng
為著孝女
uī-tio̍h Hàu-lú
我的青春
guá ê tshing-tshun
煞囥佇咧予閒啦
suah khǹg tī-leh hōo îng–lah
不如來去西門町
put-jû lâi-khì Se-mn̂g-ting
加減仔窮
ke-kiám-á kîng
看有彼號落翼仔
khuànn-ū hit-lō làu-si̍t-á
抑是海鷗通好做伴
ia̍h-sī Hǎiōu thang-hó tsuè-phuānn
嘛較袂凝
mā khah buē gîng
嘿嘿嘿嘿
heh heh heh heh
小姐你真媠
sió-tsiá lí tsin suí
像樂蒂林青霞
tshiūnn Lèdì Lín Qīngxiá
鳳飛飛抑是楊小萍
Fèngfēifēi ia̍h-sī Yáng Xiǎopíng
有影無
ū-iánn–bô
哎唷喂啊
aih-ioh-ue-ah
若親像阿匹婆
ná-tshin-tshiūnn A-phit-pô
↑↑(口白)—(口白)—(口白)↑↑
祕雕啊祕雕
Pì-tiau–ah Pì-tiau
你佮我是死對頭
lí kah guá sī sí-tuì-thâu
想著佮伊做伙
siūnn-tio̍h kah i tsuè-hué
是目屎流
sī ba̍k-sái lâu
帶念伊佮我仝學校
tài-liām i kah guá kāng ha̍k-hāu
姻緣才無計較
in-iân tsiah bô kè-kàu
有緣無緣遐無效
ū-iân bô-iân hiah bô-hāu
阿娘仔生媠佇人兜
a-niû-á sinn suí tī lâng tau
