江湖女俠
《江湖女俠》Kang-ôo Lú-kiap
黃妃N̂g Hui
——————————————
天地茫茫阮揹刀劍
thinn-tē bâng-bâng gún phāinn to-kiàm
保護咱的夢
pó-hōo lán ê bāng
為著將來剪去長頭鬃
uī-tio̍h tsiong-lâi tsián khì tn̂g thâu-tsang
行過了春夏秋冬
kiânn kuè-liáu tshun-hā tshiu-tang
身騎千里馬
sin khiâ tshian-lí-má
烏暗路無信邪
oo-àm-lōo bô-sìn-siâ
一步兩步盤山嶺
tsi̍t-pōo nn̄g-pōo puânn suann-niá
風雨啊
hong-hōo–ah
風雨來阻擋
hong-hōo lâi tsóo-tòng
毋驚規身澹糊糊
m̄-kiann kui-sin tâm-kôo-kôo
妖風逼我行回頭路
iau-hong pik guá kiânn huê-thâu-lōo
毋驚命遐爾薄
m̄-kiann miā hiah-nī po̍h
風沙啊
hong-sua–ah
風沙來阻擋
hong sua lâi tsóo-tòng
更加堅定的跤步
kìng-ka kian-tīng ê kha-pōo
行過了千里的路途
kiânn kuè-liáu tshian-lí ê lōo-tôo
永遠做恁的倚靠
íng-uán tsuè lín ê uá-khò
