紙雲水月
《紙雲水月》Tsuá Hûn Tsuí Gue̍h
黃妃N̂g Hui
——————————————
紅顏退色像落花
hông-gân thè-sik tshiūnn lo̍h-hue
對望冷月愈怨慼
tuì-bōng líng-gue̍h jú uàn-tsheh
愛情苦酒醉到底
ài-tsîng khóo-tsiú tsuì kàu té
情海浮沉夢一回
tsîng-hái phû-tîm bāng tsi̍t-huê
繁華世間茫茫過
huân-huâ sè-kan bâng-bâng kuè
對望孤單相交陪
tuì-bōng koo-tuann siong kau-puê
虛華到老守殘火
hi-hua kàu lāu siú tsân-hué
青山放予野鳥飛
tshing-suann pàng hōo iá-tsiáu pue
人生啊
jîn-sing–ah
親像睏一暝
tshin-tshiūnn khùn tsi̍t-mê
夢醒已經頭鬃白
bāng-tshínn í-king thâu-tsang pe̍h
墜落紅塵中輪迴
tuī-lo̍h hông-tîn tiong lûn-huê
受盡滄桑為啥貨
siū-tsīn tshong-song uī siánn-huè
—
人生啊
jîn-sing–ah
當做咧踅街
tòng-tsuè teh se̍h-ke
情愛名利行一回
tsîng-ài bîng-lī kiânn tsi̍t-huê
猶原空手等輪迴
iu-guân khang-tshiú tán lûn-huê
看破紙雲水月
khuànn-phuà tsuá hûn tsuí gue̍h
