颱風假

《颱風假》
吳淑敏Ngôo Siok-bín
——————————————
窗外的風吹雨聲
thang-guā ê hong tshue hōo-siann
對昨暝掃到透早
tuì tsa-mî sàu kàu thàu-tsá
心內按算颱風假
sim-lāi àn-sǹg táifēngjià
電視的新聞咧搬
tiān-sī ê sin-bûn teh puann
毋免來上課上班
m̄-bián lâi siōng-khò siōng-pan
哎喲!頭家是我啦
aih-ioh! thâu-ke sī guá–lah

免驚會來袂赴頓卡
bián-kiann ē lâi buē-hù tǹg-khah
凊彩穿插
tshìn-tshái tshīng-tshah
輕鬆快活
khin-sang khuìnn-ua̍h
主管面腔
tsú-kuán bīn-tshiunn
自己去照鏡
tsū-kí khì tsiò-kiànn
橫直工課
huâinn-ti̍t khang-khuè
永遠做袂完
íng-uán tsò buē uân

上好是無人來攪吵
siōng-hó sī bô-lâng lâi kiáu-tshá
心放予貧惰
sim pàng hōo pîn-tuānn
䖙佇膨椅
the tī phòng-í
啉咖啡聽情歌
lim ka-pi thiann tsîng-kua
煩惱是無歇的馬達
huân-ló sī bô hioh ê móo-tah
心愈紡愈忝
sim jú pháng jú thiám
不如暫時
put-jû tsiām-sî
擲佇咱的尻脊骿
tàn tī lán ê kha-tsiah-phiann