天國之戀

https://www.youtube.com/watch?v=ia9TmHI_ULU&fbclid=IwAR0mJiUlPlTZke4fVy3M9eHm3JQq5qolh1XfCbjBDf0PvhfP_nUsbhRjcbg

《天國之戀》Thian-kok tsi Luân
吳晉淮Ngôo Tsìn-huâi
紀露霞Kí Lōo-hâ
——————————————
更深孤星伴月圓
kinn-tshim koo-tshinn phuānn ge̍h înn
夜夜思念伊
iā-iā su-liām i
想起昔日的代誌
siūnn-khí sik-ji̍t ê tāi-tsì
目屎牢目墘
ba̍k-sái tiâu ba̍k-kînn
純情的愛袂了離
sûn-tsîng ê ài buē liáu-lī
怨慼青春期
uàn-tsheh tshing-tshun kî
世情冷落嘆自己
sè-tsîng líng-lo̍h thàn tsū-kí
薄命花落枝
po̍k-bīng hue-lo̍h ki

到底佮伊無緣份
tàu-té kah i bô iân-hūn
心情亂紛紛
sim-tsîng luān hun-hun
親像明月過烏雲
tshin-tshiūnn bîng-ge̍h kè oo-hûn
阻礙阮青春
tsóo-gāi gún tshing-tshun
愈想愈慒愈怨恨
jú siūnn jú tso jú uàn-hūn
爸母來害阮
pē-bú lâi hāi gún
何必悲傷
hô-pit pi-siong
天色漸黃昏
thian-sik tsiām hông-hun

郎君對阮熱情愛
lông-kun tuì gún jia̍t-tsîng-ài
無疑分東西
bô-gî hun tang-sai
攏是爸母無理解
lóng-sī pē-bú bô lí-kái
破害咱將來
phò-hāi lán tsiong-lâi
青春結局無兩擺
tshing-tshun kiat-kio̍k bô nn̄g-pái
看破著生涯
khuànn-phuà tio̍h sing-gâi
天國是咱的世界
thian-kok sī lán ê sè-kài
期待花再開
kî-thāi hue tsài khai