註定

《註定》Tsù-tiānn

吳勇濱Ngôo Ióng-pin

——————————————

街仔路

ke-á-lōo

鬧熱的城市繁華霓虹

lāu-jia̍t ê siânn-tshī huân-huâ nê-hông

充滿稀微的

tshiong-buán hi-bî ê

淡薄的歌聲歡樂

tām-po̍h ê kua-siann huan-lo̍k

滿街市

muá ke-tshī

散播幸福的快樂感覺

sàn-pòo hīng-hok ê khuài-lo̍k kám-kak

只有你我手牽手

tsí-ū lí guá tshiú khan-tshiú

恬恬仔行這條愛的路

tiām-tiām-á kiânn tsit tiâu ài ê lōo

有你來看顧

ū lí lâi khuànn-kòo

天涯海角

thian-gâi hái-kak

人海茫茫

jîn-hái bông-bông

無論你踮在何方

bô-lūn lí tiàm-tsāi hô hong

有一工會相逢

ū-tsi̍t-kang ē siong-hông

真情的話

tsin-tsîng ê uē

毋免閣再加講

m̄-bián koh-tsài ke kóng

因為我一直將你囥心中

in-uī guá it-ti̍t tsiong lí khǹg sim-tiong

你是我

lí sī guá

一生中最愛的

it-sing-tiong tsuè ài ê

最親的幕後英雄

tsuè tshin ê bōo-āu ing-hiông

你親像是春天的太陽

lí tshin-tshiūnn sī tshun-thinn ê thài-iông

溫暖了感情的傷

un-luán liáu kám-tsîng ê siong

無論是透大風落大雨

bô-lūn sī thàu tuā-hong lo̍h tuā-hōo

若有你就袂艱苦

nā ū lí tiō bē kan-khóo

因為我總相信

in-uī guá tsóng siong-sìn

咱的緣

lán ê iân

是上天一開始就註定

sī siōng-thian tsi̍t-khai-sí tiō tsù-tiānn

好毋好

hó m̄-hó