一張相片
《一張相片》Tsi̍t-tiunn Siòng-phìnn
洪昌裕Âng Tshiong-jū
——————————————
路燈青青帶柔意
lōo-ting tshinn-tshinn tài jiû-ì
宛然毋甘咱分開
uán-jiân m̄-kam lán hun-khui
為著前途不得已
uī-tio̍h tsiân-tôo put-tik-í
只好佮你來相辭
tsí-hó kah lí lâi sio-sî
一張相片
tsi̍t-tiunn siòng-phìnn
欲來送予你
beh lâi sàng hōo lí
後面有寫幾句字
āu-bīn ū siá kuí-kù jī
希望會當代表我
hi-bāng ē-tàng tāi-piáu guá
永遠踮在你身邊
íng-uán tiàm-tsāi lí sin-pinn
更深夜靜蟲聲啼
kinn tshim iā tsīng thâng-siann thî
宛然替阮訴哀悲
uán-jiân thè gún sòo ai-pi
為著前途不得已
uī-tio̍h tsiân-tôo put-tik-í
較苦也著愛分開
khah-khóo iā tio̍h-ài hun-khui
一張相片
tsi̍t-tiunn siòng-phìnn
欲來送予你
beh lâi sàng hōo lí
表示我的好情意
piáu-sī guá ê hó tsîng-ì
期待成功彼一日
kî-thāi sîng-kong hit-tsi̍t-ji̍t
兩人會當閣做堆
nn̄g-lâng ē-tàng koh tsuè-tui
