爸母的話
《爸母的話》Pē-bú ê Uē
洪昌裕Âng Tshiong-jū
——————————————
出門爸母有交代
tshut-mn̂g pē-bú ū kau-tài
安份守己上實在
an-hūn-siú-kí siōng si̍t-tsāi
毋通為非亂做歹
m̄-thang uî-hui luān tsuè-pháinn
跤踏實地才應該
kha ta̍h si̍t-tē tsiah ing-kai
好歹代誌愛忍耐
hó-pháinn tāi-tsì ài jím-nāi
性地若歹著愛改
sìng-tē nā pháinn tio̍h-ài kái
佮人若有照步來
kah lâng nā ū tsiàu-pōo-lâi
才袂予人看做䆀
tsiah buē hōo-lâng khuànn-tsuè bái
