愛你管
《愛你管》Ài Lí Kuán
吳勇濱Ngôo Ióng-pin
——————————————
風水是輪流轉
hong-suí sī lûn-liû tsuán
你是我好運的開端
lí sī guá hó-ūn ê khai-tuan
愛人有百百款
ài-jîn ū pah-pah-khuán
你是我頭一个人選
lí sī guá thâu tsi̍t-ê jîn-suán
幸福雖然遙遠
hīng-hok sui-jiân iâu-uán
你是我啟程的車班
lí sī guá khé-thîng ê tshia-pan
感情有百百款
kám-tsîng ū pah-pah-khuán
你是我最後的溫暖
lí sī guá tsuè-āu ê un-luán
我就是愛你管
guá tiō-sī ài lí kuán
愛你管愛你管
ài lí kuán ài lí kuán
跤步才袂錯亂
kha-pōo tsiah buē tshò-luān
我就是愛你管
guá tiō-sī ài lí kuán
愛你管愛你管
ài lí kuán ài lí kuán
生活才會美滿
sing-ua̍h tsiah ē bí-buán
我就是愛你管
guá tiō-sī ài lí kuán
愛你管愛你管
ài lí kuán ài lí kuán
真心才袂造反
tsin-sim tsiah buē tsō-huán
我就是愛你管
guá tiō-sī ài lí kuán
愛你管愛你管
ài lí kuán ài lí kuán
人生才無難關
jîn-sing tsiah bô lân-kuan