心愛的你敢了解
《心愛的你敢了解》Sim-ài–ê Lí Kám Liáu-kái
邱芸子Khu Ûn-tsú
——————————————
秋風吹來一陣一陣
tshiu-hong tshue lâi tsi̍t-tsūn-tsi̍t-tsūn
吹入阮的夢
tshue ji̍p gún ê bāng
陣陣風聲陣陣雨聲
tsūn-tsūn hong-siann tsūn-tsūn hōo-siann
拍醒阮的夢
phah-tshínn gún ê bāng
親像思念你的人
tshin-tshiūnn su-liām lí ê lâng
夢醒已經變成空
bāng tshínn í-king piàn-sîng khang
思念故鄉一聲一聲
su-liām kòo-hiong tsi̍t-siann-tsi̍t-siann
叫出你的名
kiò-tshut lí ê miâ
窗外雨水一聲一聲
thang-guā hōo-tsuí tsi̍t-siann-tsi̍t-siann
擾亂阮心情
jiáu-luān gún sim-tsiânn
真真假假攏是夢
tsin-tsin-ké-ké lóng-sī bāng
放阮孤單一个人
pàng gún koo-tuann tsi̍t-ê-lâng
心愛的人
sim-ài ê lâng
走去佗位藏
tsáu-khì tó-uī tshàng
思念思戀心愛唷
su-liām su-luân sim-ài–iooh
輕輕叫著你的名
khin-khin kiò tio̍h lí ê miâ
啊~你敢會知
ah~ lí kám ē tsai
啊~你敢會知
ah~ lí kám ē tsai
阮的夢綴你行
gún ê bāng tuè lí kiânn
啊~你敢了解
ah~ lí kám liáu-kái
啊~你敢了解
ah~ lí kám liáu-kái
阮的情墜落海
gún ê tsîng tuī-lo̍h hái
