跤步踏予著
《跤步踏予著》Kha-pōo Ta̍h Hōo Tio̍h
林淑貞Lîm Siok-tsing
——————————————
做人上驚來踏錯
tsuè-lâng siōng kiann lâi ta̍h-tshò
行入烏暗路
kiânn ji̍p oo-àm-lōo
做男兒若無立志
tsuè lâm-jî nā bô li̍p-tsì
欲𨑨迌無了時
beh tshit-thô bô-liáu-sî
有時陣烏烏暗暗
ū-sî-tsūn oo-oo-àm-àm
一條生死路
tsi̍t-tiâu senn-sí-lōo
有時陣風風雨雨
ū-sî-tsūn hong-hong-hōo-hōo
欲走無路
beh tsáu bô-lōo
啊~恩恩怨怨
ah~ un-un-uàn-uàn
無人會留情
bô-lâng ē liû-tsîng
苦海回頭最聰明
khóo-hái huê-thâu tsuè tshong-bîng
怨嘆一生誰同情
uàn-thàn it-sing siáng tông-tsîng
人講英雄無論出身
lâng kóng ing-hiông bô-lūn tshut-sin
何必來怨慼
hô-pit lâi uàn-tshueh
一人攏有一條路
tsi̍t-lâng lóng ū tsi̍t-tiâu lōo
向進前免耽誤
hiòng tsìn-tsîng bián tam-gōo
踮社會
tiàm siā-huē
著愛有人互相照顧
tio̍h-ài ū-lâng hōo-siong tsiàu-kòo
仙毋通
sian m̄-thang
糊哩糊塗綴人的跤步
hôo-lí-hôo-tôo tuè lâng ê kha-pōo
啊~環境無情
ah~ khuân-kíng bô-tsîng
怨嘆啥路用
uàn-thàn siánn lōo-īng
一切看開心頭明
it-tshè khuànn-khui sim-thâu bîng
命運好歹啥通凝
miā-ūn hó-pháinn siánn thang gîng
