心內較想也是你
《心內較想也是你》Sim-lāi Khah Siūnn Iā-sī Lí
林佩誼Lîm Puē-gî
——————————————
你敢袂記彼年離別的時
lí kám buē-kì hit-nî lî-pia̍t ê sî
忍著我滿腹的珠淚
jím tio̍h guá muá-pak ê tsu-luī
雨水綿綿風微微
hōo-tsuí mî-mî hong bî-bî
感覺真稀微
kám-kak tsin hi-bî
只有我家己暗傷悲
tsí-ū guá ka-kī àm siong-pi
山盟海誓約束言語
san-bîng hái-sè iok-sok giân-gí
為何你已經放袂記
uī-hô lí í-king pàng-buē-kì
留予我痛苦的日子
lâu hōo guá thòng-khóo ê ji̍t-tsí
加添我心稀微
ka-thiam guá sim hi-bî
你敢袂記彼時糖甘蜜甜
lí kám buē-kì hit-sî thn̂g-kam bi̍t-tinn
如今我空等
jû-kim guá khang tán
等無你
tán-bô lí
你講欲永遠做堆
lí kóng beh íng-uán tsuè-tui
如今來反背
jû-kim lâi huán-puē
敢講你已經愛別个
kám-kóng lí í-king ài pa̍t-ê
雖然你是無情無義
sui-jiân lí sī bô-tsîng-bô-gī
我永遠永遠咧愛你
guá íng-uán íng-uán teh ài lí
每一日心內思思念念
muí-tsi̍t-ji̍t sim-lāi su-su-liām-liām
較想也是你
khah siūnn iā-sī lí
