愛情賰一半
《愛情賰一半》Ài-tsîng Tshun Tsi̍t-puànn
周思潔Tsiu Su-kiat
——————————————
自咱熟似已經有三年
tsū lán si̍k-sāi í-king ū sann-nî
你從來毋願
lí tsiông lâi m̄-guān
予我愛情的消息
hōo guá ài-tsîng ê siau-sit
我忍不住欲問你啥原因
guá jím put-tsū beh mn̄g lí siánn guân-in
你講為前途
lí kóng uī tsiân-tôo
咱的感情
lán ê kám-tsîng
毋免遮趕緊
m̄-bián tsiah kuánn-kín
我為你等甲一年閣一年
guá uī lí tán kah tsi̍t-nî koh tsi̍t-nî
你仝款毋願
lí kāng-khuán m̄-guān
予我愛情的消息
hōo guá ài-tsîng ê siau-sit
我毋相信
guá m̄ siong-sìn
別人講你變心
pa̍t-lâng kóng lí piàn-sim
因為我對你
in-uī guá tuì lí
百分之百的信任
pah-hun-tsi-pah ê sìn-jīm
有一工我無意中
ū tsi̍t-kang guá bô-ì-tiong
看著恁的形影
khuànn-tio̍h lín ê hîng-iánn
最後我
tsuè-āu guá
也相信人講攏有影
iā siong-sìn lâng kóng lóng ū-iánn
原來你愛我
guân-lâi lí ài guá
猶無愛伊的一半
iáu bô ài i ê tsi̍t-puànn
莫怪你的身邊
bo̍k-kuài lí ê sin-pinn
定定有人來做伴
tiānn-tiānn ū lâng lâi tsuè-phuānn
毋願你愛我
m̄-guān lí ài guá
猶無愛伊的一半
iáu bô ài i ê tsi̍t-puànn
這款情有若無
tsit-khuán tsîng ū ná bô
欲離開
beh lī-khui
阮也袂孤單
gún iā buē koo-tuann
