放予自由飛
《放予自由飛》Pàng Hōo Tsū-iû Pue
李天良Lí Thian-liông
——————————————
秋風輕輕吹過
tshiu hong khin-khin tshue kuè
田岸邊
tshân-huānn pinn
你種的稻穗
lí tsìng ê tiū-suī
頕頭像思念
tàm-thâu tshiūnn su-liām
汗水化做
kuānn-tsuí huà-tsuè
美妙的一首詩
bí-miāu ê tsi̍t-siú si
如今只賰月光
jû-kim tsí tshun gue̍h-kng
照佇門楣頂
tsiò tī mn̂g-bâi tíng
感恩的手
kám-un ê tshiú
捀袂起歲月長
phâng buē-khí suè-gua̍t tn̂g
若問世間啥物上懷念
nā mn̄g sè-kan siánn-mih siōng huâi-liām
就是你頕頭咧笑的模樣
tsiū-sī lí tàm-thâu teh tshiò ê bôo-iūnn
夢醒就學會放予自由飛
bāng tshínn tiō o̍h ē pàng hōo tsū-iû pue
蟬聲叫秋霜降
siân-siann kiò tshiu-sng kàng
籬笆外落花黃
lî-pa guā lo̍h-hue n̂g
想講的一句愛你的話傷短
siūnn-kóng ê tsi̍t-kù ài lí ê uē siunn té
袂當送到你所蹛的所在
buē-tàng sàng kàu lí sóo tuà ê sóo-tsāi
