佛歌
《佛歌》Hu̍t-kua
吳青陽Ngôo Tshing-iông
——————————————
道性堅定心安寧
tiō-sìng kian-tīng sim an-lîng
欲隨吾母跤步行
beh suî ngôo bió kha-pōo hîng
勞心勞力渡濟眾生
lô-sim lô-li̍k tōo-tsè tsiòng-sing
立志捨施了願命
li̍p-tsì siá-si liáu guān-bīng
母囝相逢等何時
bú-kiánn siong-hông tán hô-sî
靈山等囝囝可知
lîng-san tán kiánn kiánn khó ti
因果輪迴纏囝身
in-kó lûn-huê tînn kiánn sin
誤囝回程傷母心
ngōo kiánn huê-tîng siong bú sim
南無阿彌陀佛
nâ-môo A-mí-tôo-hu̍t
南無阿彌陀佛
nâ-môo A-mí-tôo-hu̍t
囝欲立志斷塵緣
kiánn beh li̍p-tsì tuān tîn-iân
因果輪迴這世清
in-kó lûn-huê tsit-sè tshing
行功了願回轉天庭
hîng-kong liáu-guān huê-tsuán thian-tîng
成仙成道修持定
sîng-sian sîng-tō siu-tshî tīng
母話囝從孝為先
bó uē kiánn tsiông hàu uî sing
母性疼囝自天性
bú-sìng thiànn kiánn tsū thian-sìng
望囝心志愛堅定
bāng kiánn sim-tsì ài kian-tīng
早日回轉母宮庭
tsá-ji̍t huê-tsuán bú kiong-tîng
南無阿彌陀佛
nâ-môo A-mí-tôo-hu̍t
南無阿彌陀佛
nâ-môo A-mí-tôo-hu̍t
