愛情三月天
《愛情三月天》Ài-tsîng Sann-gue̍h Thinn
吳勇濱Ngôo Ióng-pin
——————————————
輕輕叫一聲
khin-khin kiò tsi̍t-siann
心愛的
sim-ài–ê
你敢會知影
lí kám ē tsai-iánn
情路哪會遮歹行
tsîng-lōo ná ē tsiah pháinn-kiânn
予我一个人忍受孤單
hōo guá tsi̍t-ê-lâng jím-siū koo-tuann
傷心人唱的歌
siong-sim-lâng tshiùnn ê kua
一聲一句
tsi̍t-siann tsi̍t-kù
心會痛疼
sim ē thàng-thiànn
敢講緣份早註定
kám-kóng iân-hūn tsá tsù-tiānn
分開敢是阮的運命
hun-khui kám-sī gún ê ūn-miā
想起過去
siūnn-khí kuè-khì
心肝陣陣疼
sim-kuann tsūn-tsūn-thiànn
冷風冷月冷孤單
líng-hong líng-gue̍h líng koo-tuann
敢是世間多情人
kám-sī sè-kan to-tsîng-lâng
會為情為愛受折磨
ē uī tsîng uī ài siū tsiat-buâ
我用我一生
guá iōng guá it-sing
深深的感情
tshim-tshim ê kám-tsîng
換來你對我
uānn lâi lí tuì guá
無聲的抗議
bô-siann ê khòng-gī
請你毋通放袂記
tshiánn lí m̄-thang pàng-buē-kì
我會永遠踮在你身邊
guá ē íng-uán tiàm-tsāi lí sin-pinn
我用我一生
guá iōng guá it-sing
深深的感情
tshim-tshim ê kám-tsîng
換來你對我
uānn lâi lí tuì guá
無情的創治
bô-tsîng ê tshòng-tī
是我戇抑是恨自己
sī guá gōng ia̍h-sī hūn tsū-kí
愛情
ài-tsîng
是苦戀的三月天
sī khóo-luân ê sann-gue̍h thinn