咱做伙
《咱做伙》Lán Tsò-hué
CHEN Z
——————————————
你講只要咱做伙
lí kóng tsí-iàu lán tsò-hué
咱的厝就起佇佗位
lán ê tshù tō khí tī tueh
袂閣無路可揣
bē koh bô-lōo khó tshuē
你講只要咱做伙
lí kóng tsí-iàu lán tsò-hué
閣拚攏會有機會
koh piànn lóng ē ū ki-huē
你是我的Babe
lí sī guá ê Babe
熟似你的彼一工
si̍k-sāi lí ê hit-tsi̍t-kang
做伙牽手幾若冬
tsò-hué khan-tshiú kuí-ā tang
對咱烏頭毛到白頭鬃
tuì lán oo thâu-moo kàu pe̍h thâu-tsang
感謝這世人陪伴的人
kám-siā tsit-sì-lâng puê-phuānn ê lâng
上媠的夢
siōng suí ê bāng
咱行過的春夏秋冬
lán kiânn–kuè ê tshun-hā tshiu-tang
又閣啥物物收去
iū-koh siánn-mih mi̍h siu–khì
佗位予伊放袂記
tó-uī hōo i pàng-bē-kì
毋通問我厝裡
m̄-thang mn̄g guá tshù–lí
水電瓦斯到底偌濟錢
tsuí-tiān gà-suh tàu-té guā-tsē tsînn
問我最近按怎
mn̄g guá tsuè-kīn án-nuá
攏是工課團隊咧無閒
lóng-sī khang-khuè thuân-tuī leh bô-îng
為著生活為著食穿
uī-tio̍h sing-ua̍h uī-tio̍h tsia̍h-tshīng
拍拚一工又閣過去
phah-piànn tsi̍t-kang iū-koh kuè–khì
敢是為著Money cash
kám-sī uī-tio̍h Money cash
走傱有啥物意義
tsáu-tsông ū siánn-mih ì-gī
為著咱的愛情
uī-tio̍h lán ê ài-tsîng
知影感謝毋是客氣
tsai-iánn kám-siā m̄-sī kheh-khì
真正了解愛
tsin-tsiànn liáu-kái ài
毋願Say Good-bye
m̄-guān Say Good-bye
24-7 Everyday
twenty-four-seven everyday
閣有Every night
koh ū Every night
你的出現才有咱的世界
lí ê tshut-hiān tsiah ū lán ê sè-kài
厝是有你的所在
tshù sī ū lí ê sóo-tsāi
我會照顧我的太太
guá ē tsiàu-kòo guá ê thài-thài
管伊環境有偌䆀
kuán i huân-kíng ū guā bái
錢偌歹趁
tsînn guā pháinn thàn
無咧怨嘆
bô leh uàn-thàn
身體若無健康
sin-thé nā bô kiān-khong
啥物攏袂使
siánn-mih lóng bē-sái
酒袂閣焦
tsiú bē koh ta
袂閣攏來攏會使
bē koh lóng-lâi lóng ē-sái
感謝你的接受
kám-siā lí ê tsiap-siū
我的無好奇怪脾氣
guá ê bô-hó kî-kuài phî-khì
著愛會記你的代誌
to̍h-ài ē-kì lí ê tāi-tsì
就是我的代誌
tō-sī guá ê tāi-tsì
一路行來
tsi̍t-lōo kiânn–lâi
咱會互相扶持支持
lán ē hōo-siong hû-tshî tsi-tshî
袂使袂記
bē-sái buē-kì
著愛會記互相扶持支持
tio̍h-ài ē-kì hōo-siong hû-tshî tsi-tshî
袂使袂記
bē-sái bē-kì
你講只要咱做伙
lí kóng tsí-iàu lán tsò-hué
咱的厝就起佇佗位
lán ê tshù tō khí tī tueh
袂閣無路可揣
buē koh bô-lōo khó tshuē
你講只要咱做伙
lí kóng tsí-iàu lán tsò-hué
閣拚攏會有機會
koh piànn lóng ē ū ki-huē
你是我的Babe
lí sī guá ê Babe
熟似你的彼一工
si̍k-sāi lí ê hit-tsi̍t-kang
做伙牽手幾若冬
tsò-hué khan-tshiú kuí-ā tang
對咱烏頭毛到白頭鬃
tuì lán oo thâu-moo kàu pe̍h thâu-tsang
感謝這世人陪伴的人
kám-siā tsit-sì-lâng puê-phuānn ê lâng
上媠的夢
siōng suí ê bāng
咱行過的春夏秋冬
lán kiânn–kuè ê tshun-hā tshiu-tang
—
嫁予一个愛做夢的戇囝
kè hōo tsi̍t-ê ài tsò-bāng ê gōng-kiánn
講真的
kóng tsin–ê
音樂敢有法度當做飯食
im-ga̍k kám ū huat-tōo tòng-tsò pn̄g tsia̍h
食人頭路按怎變好額
tsia̍h lâng thâu-lōo án-nuá piàn hó-gia̍h
緣份予咱做親情
iân-hūn hōo lán tsò-tshin-tsiânn
你的陪伴就是勇氣
lí ê puê-phuānn tō-sī ióng-khì
就算路裡風雨較大
tiō-sǹg lōo–lí hong-hōo khah tuā
嘛是向前行
mā sī hiòng-tsiân kiânn
風愈大雨愈大
hong jú tuā hōo jú tuā
送予你巧克力
sàng hōo lí ciǎokèlì
我會照顧你
guá ē tsiàu-kòo lí
你嘛照顧我
lí mā tsiàu-kòo guá
風愈大雨愈大
hong jú tuā hōo jú tuā
我佇你的頭前
guá tī lí ê thâu-tsîng
毋免煩惱
m̄-bián huân-ló
請你放心靠較倚
tshiánn lí hòng-sim khò khah uá
無法度去想
bô-huat-tōo khì siūnn
無你陪伴的生活
bô lí puê-phuānn ê sing-ua̍h
嘛無法度去想
mā bô-huat-tōo khì siūnn
兩雙碗箸干焦會賰我
nn̄g-siang uánn-tī kan-na ē tshun guá
時間咧行
sî-kan leh kiânn
已經無法度準拄煞
í-king bô-huat-tōo tsún-tú-suah
準拄煞
tsún-tú-suah
莫閣看看手機
mài koh khuànn-khuànn tshiú-ki
看看厝裡閣欠啥
khuànn-khuànn tshù–lìn koh khiàm sánn
欲買啥
beh bé sánn
食的穿的
tsia̍h–ê tshīng–ê
袂予你欠咧
bē hōo lí khiàm–leh
袂予你冷咧枵著
bē hōo lí líng–leh iau–tio̍h
好喔
hó–ooh
著喔
tio̍h–ooh
用的需要的
īng–ê su-iàu–ê
攏總全部共你款予好好
lóng-tsóng tsuân-pōo kā lí khuán hōo hó-hó
真的講的攏著
tsin–ê kóng–ê lóng tio̍h
真的真的攏做攏好
tsin–ê tsin–ê lóng tsò lóng hó
互相扶持做伙食老
hōo-siong hû-tshî tsò-hué tsia̍h-lāu
實在咧過
si̍t-tsāi leh kuè
歡喜就好
huann-hí tō hó
