心像海湧袂平靜
《心像海湧袂平靜》Sim Tshiūnn Hái-íng Buē Pîng-tsīng
游琦光Iû Kî-kong
——————————————
秋天的暗暝
tshiu-thinn ê àm-mî
雨水落袂離
hōo-tsuí lo̍h buē-lī
思念你的心情
su-liām lí ê sim-tsîng
暗淡無元氣
àm-tām bô guân-khì
昨暝又閣夢中看著你
tsa-mî iū-koh bāng-tiong khuànn-tio̍h lí
予阮更加懷念彼段過去
hōo gún kìng-ka huâi-liām hit tuānn kuè-khì
看著兩人
khuànn-tio̍h nn̄g-lâng
情綿綿的舊相片
tsîng mî-mî ê kū siòng-phìnn
我毋敢相信
guá m̄-kánn siong-sìn
你已經來離開
lí í-king lâi lī-khui
寂寞孤單的我
tsi̍k-bo̍k koo-tuann ê guá
無人通安慰
bô-lâng thang an-uì
思念你的心
su-liām lí ê sim
像海湧
tshiūnn hái-íng
袂平靜
buē pîng-tsīng
