可憐純情花
《可憐純情花》Khó-liân Sûn-tsîng Hue
游小鳳Iû Sió-hōng
——————————————
青春美夢糖蜜甘甜
tshing-tshun bí-bāng thn̂g-bi̍t kam-tinn
人人知滋味
lâng-lâng tsai tsu-bī
只嘆阮自己
tsí thàn gún tsū-kí
孤枕過五更
koo-tsím kè gōo-kinn
心內真稀微
sim-lāi tsin hi-bî
真稀微
tsin hi-bî
阮是純情女兒
gún sī sûn-tsîng lú-jî
無人來做伴侶
bô-lâng lâi tsuè phuānn-lī
為何遮空虛
uī-hô tsiah khang-hi
何時我佮你
hô-sî guá kah lí
會得來做堆
ē-tit lâi tsuè-tui
天頂白雲一直飛
thinn-tíng pe̍h-hûn it-ti̍t pe
去了不再回
khì liáu put-tsài huê
看白雲咧飛
khuànn pe̍h-hûn teh pe
嘆青春快過
thàn tshing-tshun khuài kè
心內空怨慼
sim-lāi khang uàn-tshueh
空怨慼
khang uàn-tshueh
阮是純情花
gún sī sûn-tsîng hue
無人來理會
bô-lâng lâi lí-huē
為何遮狼狽
uī-hô tsiah liông-puē
何時有人揣
hô-sî ū-lâng tshuē
可憐純情花
khó-lîn sûn-tsîng hue
